Über üs
Bloom staht für Design, Individualität und Nachhaltigkeit. Vo üs kreiert und in Züri produziert.
Nachhaltigkeit
Mir verwerted verschiednigi Resthölzer vo diverse Schrinereie us Zürich. Es isch eus wichtig, es nachhaltigs Denke i euse Schmuck i zbezieh.
Holz isch en natürliche Werkstoff, das guet verarbeitbar isch und sich somit für euse Schmuck eignet. Das Material het eh positivi Würkig uf üs Mensche. Mir verbinded Holz mit Wärmi, Naturnöchi und beruhigender Wirkig.
Individualität
Mir entwerfend und realisierend all euse Schmuck selber vo Hand. Vode Uswahl vom Holz, Design, bishin zur Maschinelle Arbeit, wie Bohre, Schlife und Öle, wird alles mit Liebi is Detail selber gfertigt. Das macht euse Schmuck einzigartig! Da jedi Holzart für sich selber spricht, indem es sich unter anderem in Farb und Struktur unterscheidet, isch jede Schmuckstück vo Grund uf individuell. Dur das variert euses Produkt immer liecht in Farb, Struktur und Form.
Spass
Mit eusem Schmuck chönt mir beid eusi kreativi Adere flüsse lah. Mir verbringed Zit mitenand und hend zemme grosse Spass eus z verwürkliche.
Werkstatt
Hauptsächlich wird euse Schmuck ide Schrinerei Arthur Girardi AG in Hedingen verarbeitet.
Eusi Produkt
Eus isches wichtig, dass eusne Kunde bewusst isch, dass jedes Schmuckstück biz anderst si wird. Vorallem weg de verschiedinige Holzarte. Da Holz, wo schwillt und quillt, empfiehlet mir de Kontakt mit Wasser zvermiede.
Als ,,Dunkels Holz,, verwended mir Sumpfeiche, Nussbaum
Als ,,Rötlichs Holz,, verwended mir Öpfel, Zwetschge, Birne
Als ,,Helles Holz,, verwended mir Eiche, Esche
Eusi Stecker sind echt Silber mit de Gravierig 925. Gern chönder eus au für persönlichi Wunschänderige kontaktiere.
Euses Team
Selina
Ich han mini Lehr als Polydesignerin 3D mit de Gstalterische Breufsmatura abgschlosse. Ständig umgib ich mich mit Kreativität und möcht das Flair in Bloom ufblüehe lah. Holz isch es schöns natürlichs Material, was mich scho immer begeisteret het. Es bütet so viel. Üse Brand Bloom söll zum Nahdenke arege, dass me au mit Restholz Zitlose und Stilvoller Schmuck herstelle chan. Mir denked Ökologisch und das söt meh fördere und Unterstütze.
Amy
Ich han mini Lehr als Schrinerin, au mit de Gestalterische Berufsmatura abgschlosse. Durch Bloom isch es mir möglich, mini Kreativität uszlebe. Es regt mich zumene inovative Denke a, was mir sehr freud bereitet. Mit mim Wüsse über Holz und desse Verarbeitigs Möglichkeite, chönt mir effizient und mit de richtige Hilfsmittel arbeite.
